القائمة الرئيسية

الصفحات

مستجدات

اللوجيستيك شنو هو و تاريخ ديالو و الأهمية ديالو فسوق الشغل المغربي و كيفاش تلقى فيه خدمة؟ ‏alwadifa ‎

اللوجيستيك شنو هو و تاريخ ديالو و الأهمية ديالو فسوق الشغل المغربي و كيفاش تلقى فيه خدمة؟ 

"اللوجيستيك" .أشنو هو "اللوجيستيك" ؟ التاريخ ديالو ؟ الاهمية ديالو فالعالم بصفة عامة وفالمغرب بصفة خاصة وعلاش كايتعتابر مهنة او سوق للمستقبل؟ واش نقدرو نطبقو هاد العلم فحياتنا اليومية ؟  جميع هاد الاسئلة غادي نحاول نجاوب عليها فهاد المقال باش نعطيكم العصارة ديال المعلومات بطريقة مبسطة ... على بركة الله 😃😃

اشنو_هو_اللوجيستيك ؟

هاد السؤال يمكن تطرح شي 70 ولا 7000 مرة وكل واحد وكيفاش كايعفو على حساب النظرة ديالو ليه .. 

ولكن جميع التعاريف ديال العلماء وديال الناس هاديين كاتتوحد فجوج كلمات هما optimisation و planification كيفاش ؟ انا نعطك مثال وغدا تبانليك .. نفرضو اسيدي نتا واحد البياع وشراي عندك السلعة بزاف باغي تجيبها من الهند للمغرب ولكن نتا معارفش اشنو دير ، هنا كيجي الدور ديال هاد العيلم لي غادي يجي يشوف السلعة ديالك والطريق ليغادا تدرب و وسائل النقل المتاحة والثمن باش محسوب عليك الترونسبور باش يلقاليك واحد الفورميل ولا شي طريقة غادي تنظم ليك الديبلاسمون ديال ديك السلعة فالوقت والكاليتي والثمن المناسبين (planification) مع استعمال جهد اقل وفعالية اكثر (optimisation) وباش تميلونجي بين هاد الجوج مفاهيم راه شي حاجة لي صعيبة ان لم نقل مستحيلة لذلك الهذف الاول ديال logisticien كايكون تقريبي للنتيجة المثالية .. هاد الخدمة تاتبدا كيف قلنا من عند البائع تال عند الشاري وكيحاول فيها logisticien يجمع ما امكن من المعلومات (flux d'informations) ويحاول يوزعها بشكل احترافي مابين اطراف الصفقة ويستعملها كذلك باش يسير السلعة (flux physiques) باش توصل للمستهلك بكل معايير لتم الاتفاق عليها باش يقوم من بعد بتسيير ما يعرف بالبينgا (flux financiair) في الاتجاه المعاكس من الكليان تال البائع وبالتالي جميع الاطراف كاتكون راضية فالصفقة ...

"اللوجيستيك" كايهتم بالاساس بمجموعة من العمليات المحورية لي نقدرو نلخصوها فتحديد الريزو اللوجيستيكي ليفيه كي خاسك تحدد معلومات على السلعة (الكمية ، الديمومسيون ديالها،التيپ ديالها) والموقع ديال الطرفين باش تسهل عليك العملية ..

ثاني حاجة وهي كاتشد وتآناليزي الكوموند ديال الكليان وكاتحاول ترتبها على حساب الاهمية ديالها وكاتكلف باستقبال وارسالها والفاكتيراسيون ديالها ...

ثالت حاجة وهي "الصطوكاج" وهادي بوجهة النظر ديالي هي اهم حاجة حيتاش هنا كايخدم الذكاء ديال logisticien باش انه يلقا طرق باش يرتب السلعة بطريقة غادا تسهل عليه جيستيون ديالها ويحاول ما امكن انه يوصل باش انه مايكونش عندو صطوك وذلك من خلال انه يعرف كيفاش يسربي السلعة بسرعة وفنفس الوقت ماتوقعش واحد الانقطاع فالصطوك وهنا فين كايوقع الحماق ديال بصح حيت من المستحيل توصل لهادي لذلك المسالة كاتكون تقريبية الى ابعد مدى (هاد جيستيون دي صطوك غادي نكتب عليها بوحدها من بعد) 

رابع حاجة هي تنظيم انتقال السلعة وذلك باخيار وسيلة النقل لي غادا تكون سريعة وفنفس الوقت ماغالياش اوا هنا حماق اخر ولكن هادي غالبا مشكل محلول ديالها حيت دكشي معروف وعندك الاخيار وغالبا ماكيكونو حلول ذكية كيفما بحال (economie d'echelle) ولي فيها كاتحاول ترسل اكبر عدد من السلعة باش تنقص عليك الثمن ديال لارتيكل لواحد ،مثلا كريتي رموك ب 3000 درهم للسفر وعندك 100 بياسا اذن غادا تقام عليك وحدة ب 30 درهم ولكن لا لقيتي مثلا شي طريقة باش تجيب 200 بياسا اذن غادا تولي مقيوما عليك السلعة غير ب 15 درهم للوحدة هنا كانكونو طبقنا (economie d'echelle) ...

هاد العمليات يمكن ليك توضعهم فثلاث مراحل هي هاديك لب  تاتم فيهم جميع العمليات انطلاقا من عند "الفورنيسور" لعند الشركة وهادا كانقولولو حنا (logistique amont) ومن عند الشركة لعند الكليان هادا كانقولولو (logistique aval) اما القسم الثالث فهو جميع الاجراءات ليكيكونو من بعد عملة البيع (الخلاص - وصل السلعة - ترجاع السلعة - الgارانطي...) ... 

هاذي كانت نبذة بسيطة حول تعريف "اللوجيستيك" دابا ندوزو للمحور الثاني لي هو التاريخ ..

تاريخ_اللوجيستيك

  قالك اسيدي الاصل ديال هاد الفن كان من الحضارة الاغريقية والفراعنة والشناوا وهنا كل وحدين غادي تلقى انهم كاينيبوهوم لريوسوم فمثلا الفراعنة من بين الاساليب لي استعملو باش يبنيو الاهرامات من بعد الرياضيات كان اللوجيستيك بحيت دوك التويشيات كان خصهم يوفقو مابين الامكانيات والوسائل المتاحة بين يديهم زيادة على تحديد الخصاص فالسلعة وهنا كايطبقو اللوجيستيك بلاما يعرفو... ، 

اما بالنسبة للشناوافكايقولو ان فالقرن الرابع قبل الميلاد كان واحد خونا اسمو "سون تزو" طلب شي سلعة تجيه من عند "الكسندر الاكبر" ولكن ديك السلعة كانت تقيلة مما اضظره انه يرمي منها بزاف ولا يحرقها باش يتحركو الباطويات بسرعي ومايتعرضوش ليهم القراصنة ومنهنا جات الفقرة باش مايبقاش يجيب كثر من اللاجب وياخد بعين الاعتبار الطريق والاخطار ... 

اما لاجينا نشوفو (ولا ماجيناش كيف العادة راه والله منشوفو) راه فكتب التاريخ كاين واحد فجامعة lille لي معندش بوه سميا قاليك التاريخ ديال اللوجيستيك جاي من عند الاغريق وكان اسمو "logisteuo" وكانو كايقولو بلي هو فن الادارة ديال الموارد وتحديد الخصاص مع اخد الاعتبار للطريق ديال الديبلاسمون وهادشي لي استافدو منو الحضارات لي من بعد ف المجال العسكري وكانو من خلالو كايزوزو التكنات العسكرية ديالهوم باللوازم والمعدات الحربية حسب الخصاص وكياقابو على اقصر طريق لي غادا توصلهم للمكان المنشود ومن بين هاد الحضارات لي استافدت كانشوفو الدولة العثمانية فالغزوات ديالها وحتا فعهد الصحابة لي كانو كايستعملو خطط عسكرية مدروسة باش مايوقعش شي خلل فالمعدات وبالخصوص الماكلة ... هاد الفان عاقو بيه الفرانسيس فسنة 1806 فعهد نابوليون الاول وبنا خلالها واحد اصطول عسكري زيادة على الجنود دخل معاهم الطباخة والاطباء فماتيماتسيانات باش مايدير تا تحرك حتى يدرس المؤونة والحالة ديال الجنود والطريق لي قدامو .. 

هنا ميريكان طلعو فشكل واستغلو الحرب العالمية وهجرة ديال العلماء الاوروبيين وخداو هاد العيلم وقراوه فالجامعات طيالهوم وطوروه الى ان اصبع من نقاط القوة الاقتصادية والادارية والعسكرية الخفية ... 

ويكفي القول ان اللوجيستيك كان سبب سقوط المانيا فالحرب العالمية الثانية نقوليكوم كيفاش ؟ اسيدي هتلر فاش خان المعاهدة مع الروس بدا كايهجم على الاتحاد السوفياتي ومن خلال هاد الهجوم الرواسا طلعو مطورين وخلاوه يدخل ويزيد حتى قرب لموسكو ولكن التكلاخ ديال هتلر نساه انه الجنود ديالو غادي يبعدو على مراكز التزود بالمؤونة والماكلة زيادة على طقوس روسيا الباردة والصعبة وبالتالي هاد الاخيرة فرعتهوم في ما يسما ب"معركة الارض المحترقة" ...

 يعني لا كنا اذكياء انشوفو ان من بين الخطط العسكرية كاين اللوجيستيك كذكاء خفي ..

هادي كانت نبذة تاريخية على هاد العلم دون اغفال تطور هاد العلم لي ولا من اللوجيستيك العادي الى اقسام منها logistique d'approvisionnement , logistique de fabrication , logistique de distribution , logistique inverse ... الخ ، 

هادشي لي ولينا كانشوفوه فايامنا هذه من غزو لهاد العيلم للميدان ديال economie ، industrie ,mécanique,informatique .. ومجموعه من الميادين الحيوية اعتمادا على المبدئين لي سبق وقلت ديال planification & optimisation ...

هذا فيما يخص التاريخ ندوزو ديبا لاهمية اللوجيستيك فالعالم والمغرب بالخصوص وعلاش يمكن نقولو ان المغرب مهنته المستقبلية هي اللوجيستيك لا بغا يدير بلاصتو فالعالم ...

اهمية_اللوجيستيك_فالعالم

من خلال المعلومات لي سبق الذكر ديالها فالعديد ان لم نقل كولشي خدا فكرة على هاد العيلم وعرف الاهمية ولي ماعرفش انا نشرحلو ..

العالم يا اخي ولا كيعتامد بشكل كبير على المبادلات كيف كان على المستوى الصناعي ولا العلوم ولا الاقتصاد ، وهنا اللوجيستيك كايلعب دور ديال الوسيط والمنظم لجميع العمليات فمثلا كيفما قلنا فالمثال الاول شي واحد من ميريكان بغا يرسل شي سلعة للهند مرورا بافريقيا كيفاش غادي يدير ..

 غادي يرسل واحد "ordre d'achat" فيه انو خاصو من عند مول السلعة لي كيحدد وسيلة النقل والظروف العامة ديال التنقل محترماً بذلك الكونطرا ديالهم وبالخصوص الكاليتي ديال البرودوي .. لذلك كل ديك التخربيك لي الوسط هو كيتبازا على اللوجيستيك ..

اهميته فالمغرب تتلخص فكون البلاد عندنا ماشي فلاحية ولا صناعية في المستوى الاول ولكن النعمة لي عندنا هي الموقع الجغرافي ..بحيث جينا فالكروازما ديال العالم .. باب على اوروبا ،على امريكا وعلى افريقيا وبحكم هاد الثلاتي فيه من الخيرات ما تلفت نظر الاعمى فموقع ديالنا كيتعتابر حلقة وصل عالمية .. دشي لي كانشوفوه فالتوجه ديال البلاد من حيث المشارع .. اذ ان مدينة طنجة ولات مدينة لوجيستيكية بامتياز .. 

زيد عليها اكادير والداخلة دون نسيان القنيطرة وكازابلانكا .. المغرب ولا كيستقبل شركات عالمية فهاد المجال ديال البروديكسيون حيث بان ليهم هاد الامتيازات .. ومن اهم الحوايج لي فكر فيها المغرب فهاد المجال هي دخول شركات كبيرة ديال الدولة وحطو فلوس صحيحة فهاد المجال ديال اللوجيستيك .. حيت اي شركة كايكون عندها مبادلات وصطوك اذن الى مكانتش محترفة لوجيستيكيا فراه ماغاديش طول كيفما ما طولش هيتلر فالحرب ..

تعليقات