قصة حقيقية لمقابلة عمل و الأسئلة لي كتطرح فيها
تجربة صديق للموقع من مقابلة عمل في مركز النداء
هذي قصة حقيقية ديالي على مقابلة عمل
كنت خدام طباخ فمطعم ايطالي وطلعات لي الكوزينة فالراس وقلت ندوز كونكور ديال سونتر دابيل شركة ويب هيلب اغادير
دوزت الكتابي ونجحت
عيطولي للشفوي...صراحة وجدت مزيان على تعريف مركز نداء و جميع مسطلحات المهنة و داكشي بالملمتر يا حبيبي
مهم كنا شي عشرين واحد كنتسناو
تيدخل بنادم عادي كيخرج وجهو كحل
وشداتني تقفقيفة
جات نوبتي ونا ندخل
لقيت جوج عيالات وحدة مغربية ووحدة فرنسية
دوات الفرنسية وزربات عليا باول سؤال داكشي بلي فواييل و القافية والمشكل سؤال لا علاقة بالمراكز نداء
سؤال كان ماهو احسن اختراع او اكتشاف عرفاتو البشرية في نضرك
انا تبلوكيت...شوية جاتني فكرة جهنمية...قلت مع راسي هدو جوج نساء علاش نجاوب بجواب عادي لازم نحاول نكون انا المسيطر على النقاش ونخرج من دائرة الارتباك
جوابي كان سبحان الله سريع ...انا كانت زوجتي قريبة تولد وجاوبتهم ان العملية القيصرية احسن اكتشاف لي كيخلي المرأة الحامل متخافش من الالم الخ
عجبهم الجواب حيت قريب ليهم كنساء
سؤال تاني كان عرفنا بنفسك
جوبتهم ديركت مدام انا هنا غي باش ندير تجربة جديدة حيت انا شاف طباخ
جاوبت المغربية ويلي هي تورينا شي شهيوات
صافي واحنا نقلبو لونتروتيان شهيوات شميشة و شاف موحا بالفرنسية طبعا
دوزت معاهم شي 40 دقيقة
ولي سبقني كانو دوزو غي 10 دقايق
مهم كخلاصة لا للارتباك ولا للخوف
الواحد اجاوب عادي ويكون تحضير نفسي كتر من بيداغوجي
من بعد عيطولي للعمل ولحو عليا حيت عجبتهم
لاكن شي ضروف ممشيتش